അടുത്ത മഴക്കാലത്ത് ആലപ്പുഴ വൈ.ഡബ്ല്യു.സി.എ റോഡ് വെള്ളത്തിലും ചെളിയിലും കുഴഞ്ഞു
കിടക്കാത്തവിധം പൂര്‍ണമായി ഗതാഗതയോഗ്യമാക്കാനുള്ള ശ്രമം നടത്തിവരുകയാണെന്നു ആലപ്പുഴ
മുനിസിപ്പല്‍ കൗണ്‍സില്‍ വഴിച്ചേരി വാര്‍ഡ് കൗണ്‍സിലര്‍ ആന്റണി
റോഡ്രിഗ്‌സ്.
(2012 സെപ്റ്റംബര്‍ 15 ശനി)
കഴിഞ്ഞ ഇരുപതോളം വര്‍ഷങ്ങളായി ജനപ്രതിനിധികള്‍ ആരും
ശ്രദ്ധിക്കാതെ കിടന്ന റോഡാണിതെന്ന് ആന്റണി ഓര്‍മ്മിപ്പിച്ചു. അധികം ഗതാഗതത്തിരക്ക്
ഇല്ലാതിരുന്നതാണ് കാരണം. റോഡിനു ഉയരം കൂട്ടുകയും ഒരു കലുങ്ക് പണിയുകയും
ചെയ്യേണ്ടതുണ്ട്. എന്നാല്‍ മാത്രമേ റോഡിലെ വെള്ളക്കെട്ടിനു
ശാശ്വതപരിഹാരമുണ്ടാക്കാന്‍ സാധിക്കൂ.
എം.എല്‍.എ ഡോ. ടി.എം.തോമസ് ഐസക്കിന്റെ
ഫണ്ടില്‍ നിന്ന് കല്ലന്‍ റോഡില്‍ എത്തുന്ന വൈ.ഡബ്ല്യൂ.സി.എ റോഡിനും തുടര്‍ന്ന്
കല്ലന്‍ റോഡില്‍ നിന്നുള്ള മാര്‍ക്കറ്റ് റോഡിനുമായി 25 ലക്ഷം രൂപ
അനുവദിച്ചിട്ടുണ്ടെന്നു ആന്റണി അറിയിച്ചു. അടുത്തു തന്നെ ടെണ്ടര്‍ വിളിക്കും.
യാതൊരു കാരണവശാലും ഫണ്ട് ലാപ്‌സാകാന്‍ അനുവദിക്കില്ലെന്നും കൗണ്‍സിലര്‍
കൂട്ടിച്ചേര്‍ത്തു.
 |
| ആന്റണി റോഡ്രിഗ്‌സ്
|
ഇതേസമയം, റോഡു നന്നാക്കി ഗതാഗത യോഗ്യമാക്കണമെന്നു കഴിഞ്ഞ
ഏതാനും വര്‍ഷങ്ങളായി തത്തംപള്ളി വാര്‍ഡ് ബ്ലോഗ് അധികൃതരോട് ആവശ്യപ്പെട്ടുവരുകയാണ്.
ജനങ്ങളുടെ നിരന്തരമായ ആവശ്യം കണക്കിലെടുത്തായിരുന്നു അത്. റോഡിന്റെ കാര്യം പറഞ്ഞു
പരാതി നല്കുമ്പോള്‍ മുനിസിപ്പാലിറ്റിയും പി.ഡബ്ല്യു.ഡിയും ഉത്തരവാദിത്തം
ഏറ്റെടുക്കാതെ കൈമലര്‍ത്തുന്നു എന്നു തദ്ദേശവാസികള്‍ അറിയിച്ചതിനാല്‍ പി.ഡബ്ല്യു.ഡി
ചീഫ് എന്‍ജിനിയര്‍ക്കും (തിരുവനന്തപുരം) എക്‌സിക്യൂട്ടീവ് എന്‍ജിനിയര്‍ക്കും
(ആലപ്പുഴ) ആലപ്പുഴ മുനിസിപ്പല്‍ കൗണ്‍സില്‍ സെക്രട്ടറിക്കും പരാതി നല്കിയിരുന്നു.
അവരാരും മറുപടി ഇതുവരെ നല്കിയിട്ടില്ല. വിവരം ലഭ്യമായില്ലെങ്കില്‍ അധികൃതര്‍ക്ക്
ഇക്കാര്യത്തില്‍ താത്പര്യം ഇല്ലെന്ന നിഗമനത്തില്‍ എത്തുന്നതാണ് എന്നും അവരെ
അറിയിച്ചിരുന്നതാണ്. എന്നാല്‍ പരാതികള്‍ കൈപ്പറ്റിയ വിവരം പോലും
അറിയിച്ചിട്ടില്ല!
ഏതായാലും അടുത്ത മഴ സീസണ്‍ ആരംഭിക്കുന്ന 2013 ജൂണ്‍ ഒന്നു
വരെ (അതിന് ഇനി എട്ടര മാസം) നാട്ടുകാര്‍ കാത്തിരിക്കുമെന്നു കരുതാം. അല്ലാതെ വേറെ
വഴിയില്ലല്ലോ?!
