പരിചരണം ലഭിക്കാത്ത രോഗികളോ വൃദ്ധരോ ഉണ്ടാകാന്‍ ഇടവരരുത് എന്ന ലക്ഷ്യം മുന്‍നിര്‍ത്തി തത്തംപള്ളി പിതൃവേദി, മാതൃജ്യോതിസ്, യുവദീപ്തി എന്നീ സംഘടനകളുടെ ആഭിമുഖ്യത്തില്‍ ആരംഭിച്ച സാന്ത്വന പരിചരണ സംരംഭമാണ് പാലിയേറ്റീവ് കെയര്‍ തത്തംപള്ളി യൂണിറ്റ്.
മാറാ രോഗികളേയും ശയ്യാവലംബികളായ വൃദ്ധരേയും വീടുകളിലെത്തി കണ്ടെത്തി ശാരീരിക, മാനസിക, സാമ്പത്തിക സഹകരണം നല്കുകയെന്നതും പ്രവര്‍ത്തനങ്ങളില്‍പ്പെടും. മരുന്ന്, ഭക്ഷണം, വസ്ത്രം, ബെഡ്ഷീറ്റ്, വാട്ടര്‍ബെഡ് തുടങ്ങിയവ എത്തിക്കും. ഡോക്ടര്‍മാരുടേയും നഴ്‌സുമാരുടേയും സേവനവും ലഭ്യമാക്കുന്നതാണ്.
പാലിയേറ്റീവ് കെയര്‍ തത്തംപളളി യൂണിറ്റുമായി കൂടുതല്‍ വിവരങ്ങള്‍ക്ക് ബന്ധപ്പെടാനുള്ള ഫോണ്‍ നമ്പരുകള്‍: 2254138, 9249785004, 8891340002.
പാലിയേറ്റീവ് കെയര്‍ തത്തംപള്ളി യൂണിറ്റിന്റെ ഉദ്ഘാടനം ചങ്ങനാശേരി അതിരൂപതാ ഫാമിലി അപ്പോസ്തലേറ്റ് ഡയറക്ടര്‍ ഫാ.സിറിയക് കോട്ടയില്‍ നിര്‍വഹിച്ചു. 2011 ഫെബ്രുവരി 27-ന് ഞായറാഴ്ച ഉച്ചകഴിഞ്ഞ് മൂന്നിന് സെന്റ് മൈക്കിള്‍സ് പാരീഷ് ഹാളില്‍ ചേര്‍ന്ന യോഗത്തില്‍ തത്തംപള്ളി പിതൃവേദി പ്രസിഡന്റ് മാത്തുക്കുട്ടി തോമസ് വാളംപറമ്പില്‍ അധ്യക്ഷത വഹിച്ചു. തത്തംപള്ളി സെന്റ് മൈക്കിള്‍സ് പള്ളി വികാരി ഫാ.ജോസഫ് ചൂളപ്പറമ്പില്‍ അനുഗ്രഹ പ്രഭാഷണം നടത്തി. നാഷണല്‍ റൂറല്‍ ഹെല്‍ത്ത് മിഷനിലെ ഡോ.രാമചന്ദ്രന്‍ വിശദീകരണം നല്കി.
പാലിയേറ്റീവ് കെയര്‍ സെന്റര്‍ സെക്രട്ടറി ലില്ലിക്കുട്ടി, ആലപ്പുഴ ഫൊറോന പിതൃവേദി പ്രസിഡന്റ് ജോണി ജെ. നീലികാട്, തത്തംപള്ളി മാതൃജ്യോതിസ് പ്രസിഡന്റ് ആലീസ് ജോസി, തത്തംപള്ളി യുവദീപ്തി പ്രസിഡന്റ് സോണി തയ്യില്‍, തത്തംപള്ളി പിതൃവേദിയിലെ ബേബിച്ചന്‍ തട്ടുങ്കല്‍, തത്തംപള്ളി പിതൃവേദി സെക്രട്ടറി ലാലിച്ചന്‍ ജോസഫ് പുത്തന്‍പുരയ്ക്കല്‍ എന്നിവര്‍ പ്രസംഗിച്ചു.
No comments:
Post a Comment