കാവുകളെ വികസിപ്പിക്കാനും നവീകരിക്കാനും കാക്കാനുമുള്ള പദ്ധതിയുടെ സംസ്ഥാനതല ഉദ്ഘാടനം 2011 ഫെബ്രുവരി രണ്ടിന് ആലപ്പുഴ മുനിസിപ്പല്‍ ടൗണ്‍ ഹാളില്‍ നടത്തും.
സര്‍ക്കാര്‍ ഉടമസ്ഥതയിലും സ്വകാര്യ വ്യക്തികളുടേയും ദേവസ്വങ്ങളുടേയും വകയായും ചെറുതും വലുതുമായ നൂറുകണക്കിനു കാവുകളാണുള്ളത്. കാവുകളിലെ സസ്യവൈവിധ്യവും അവയോടനുബന്ധിച്ചുള്ള കുളങ്ങളും അന്തരീക്ഷ ശുദ്ധി നിലനിര്‍ത്താന്‍ കാരണമാകും. ഒട്ടേറെ ജീവജാലങ്ങളുടെ അതിജീവനത്തിനും ആഗോള താപനത്തില്‍ നിന്നുള്ള രക്ഷയ്ക്കും കാവുസംരക്ഷണം ഗുണം ചെയ്യും. കാണാനില്ലാതാകുന്ന പല ഔഷധ സസ്യങ്ങളും വന്‍ വൃക്ഷങ്ങളും നാട്ടില്‍ സമൃദ്ധമായി വളര്‍ത്താന്‍ സര്‍ക്കാരും നാട്ടുകാരും ഒരുമിച്ചു കൈകോര്‍ക്കേണ്ടിയിരിക്കുന്നു.
കേരളത്തിലെ വിശുദ്ധവനങ്ങള്‍ ആണ് കാവുകള്‍. പ്രകൃതിയെയും വൃക്ഷങ്ങളെയും ആരാധിക്കുന്ന പതിവ് പണ്ടു മുതലേ നിലനിന്നിരുന്നതിനാല്‍, വനത്തെ ഉപജീവനമാര്‍ഗ്ഗമായി കരുതിയിരുന്ന പണ്ടുകാലത്തെ ജനങ്ങള്‍ കാവുകളെയും പുണ്യസ്ഥലമായി കരുതിയിരുന്നു.
ആചാരപരമായ ആവശ്യങ്ങളാള്‍ ജനങ്ങള്‍ സംരക്ഷിച്ചു പോരുന്ന കാടിന്റെ ലഘു രൂപങ്ങളാണ് കാവുകള്‍ എന്നും പറയാം. ബലിയിടുന്ന സ്ഥലം എന്നാണ് കാവിന്റെ അര്‍ത്ഥം. സാധാരണാര്‍ത്ഥത്തില്‍ കാവ് എന്നാല്‍ മരക്കൂട്ടമാണ്. സാങ്കേതികാര്‍ത്ഥത്തില്‍ അത് ആരാധനാസ്ഥാനമാകുന്നു.
ഗ്രാമങ്ങളിലെ ഭൂഗര്‍ഭ ജലനിരപ്പ് നിലനിര്‍ത്താനും, ഗ്രാമീണരുടെ ഇന്ധന ലഭ്യത ഉറപ്പുവരുത്താനും, അത്യപൂര്‍വമായ ഔഷധസസ്യങ്ങളാല്‍ സമ്പന്നമായ കാവുകള്‍ ഗ്രാമീണരുടെ ആരോഗ്യ സംരക്ഷണത്തിനും സഹായകമാണ്.
കാവുകള്‍ ജൈവവൈവിധ്യം ഏറെയുള്ള ജീവന്റെ കലവറയാണ്. ഉഭയജീവികള്‍, ഉരഗങ്ങള്‍, പക്ഷികള്‍, സസ്തനങ്ങള്‍, അറുപത്തിചിത്രശലഭങ്ങള്‍, നിരവധിയിനം സസ്യങ്ങള്‍ തുടങ്ങിയവയെല്ലാം കാവുകളിള്‍ കണ്ടെത്തിയിട്ടുണ്ടെന്ന് പഠനങ്ങള്‍ തെളിയിക്കുന്നു. നിത്യഹരിത വനങ്ങളിള്‍ മാത്രം കാണാറുള്ള തമ്പകം, വങ്കോട്ട, ഇലവംഗം, വെട്ടി മുതലായ മരങ്ങള്‍ കാവുകളിള്‍ കാണാനാകും.
പുരാതന കാലത്തെ തുറസ്സായ ക്ഷേത്രങ്ങളാണിവ. ആചാരപരമായ ആവശ്യങ്ങളാല്‍ ജനങ്ങള്‍ സംരക്ഷിച്ചു പോരുന്ന കാടിന്റെ ലഘു രൂപങ്ങളാണ് കാവുകള്‍. ഗ്രാമീണരുടെ ദേവതാരാധനാകേന്ദ്രങ്ങളായ ഇത്തരം കാവുകള്‍ കേരളത്തില്‍ ഇപ്പോള്‍ കുറച്ചേ അവശേഷിക്കുന്നുള്ളൂ.
പ്രകൃതിയെയും വൃക്ഷങ്ങളെയും ആരാധിക്കുന്ന പതിവ് പണ്ടു മുതലേ നിലനിന്നിരുന്നു. മായന്‍ വര്‍ഗക്കാര്‍ ഒരിനം കൊക്കോമരം പുണ്യവൃക്ഷമായി കരുതിയിരുന്നു. ഇന്ത്യയില്‍ ആല്‍മരത്തെ ഇന്നും പുണ്യവൃക്ഷമായി ആരാധിക്കുന്നു.
മനുഷ്യ സംസ്‌കാരത്തിന്റെ പുരോഗതിക്ക് കാവുകളും സംഭാവനകള്‍ നല്കിയിട്ടുണ്ട്. തെയ്യം, തിറ, കളമെഴുത്ത് പാട്ട്, തോറ്റം പാട്ട്, പുളളുവന്‍ പാട്ട് എന്നീ കലാരൂപങ്ങളെല്ലാം കാവുകളുടെ തണലില്‍ വളര്‍ന്നു പന്തലിച്ച കലാരൂപങ്ങളാണ്.
ഇംഗ്ലീഷില്‍ സേക്രഡ് ഗ്രൂവ്‌സ് എന്നാണ് കാവുകള്‍ അറിയപ്പെടുന്നത്.
No comments:
Post a Comment