ചോര്ച്ചയുള്ള പാചകവാതക സിലിണ്ടര് ഉടന് മാറിനല്കാത്തത് പ്രശ്നമാകുന്നു. ആളിക്കത്തി അപകടത്തിന് ഏറെ സാധ്യതയുള്ളതാണ് വായുവിലേക്കു തുറന്നു വിടപ്പെടുന്ന ദ്രവീകൃത പെട്രോളിയം വാതകം. (ലിക്വിഫൈഡ് പെട്രോളിയം ഗ്യാസ്-എല്പിജി).
ചോര്ച്ച വന്ന പാചക വാതക കുറ്റി മാറ്റി നല്കാന് പലതവണ ആവശ്യപ്പെട്ടിട്ടും ഏജന്സി അധികൃതര് എത്തിയില്ലെന്നാണ് പരാതി. ഒടുവില് അപകടം ഒഴിവാക്കാന് ഉപയോക്താവ് ഫയര്ഫോഴ്സിന്റെ സഹായം തേടി. ആലപ്പുഴ തത്തംപള്ളി വാര്ഡ് നയനം വീട്ടില് നാരായണപിള്ളയും കുടുംബാംഗങ്ങളുമാണ് സഹായം തേടിയലഞ്ഞത്.
പാചകവാതക സിലിണ്ടറിന്റെ റെഗുലേറ്റര് ഭാഗത്ത് ചോര്ച്ചയുണ്ടായതായി കണ്ടെത്തിയതോടെ വീട്ടുകാര് പലതവണ ഏജന്സി അധികൃതരുമായി ബന്ധപ്പെട്ടു. എന്നാല് മറ്റൊരു സിലിണ്ടര് വീട്ടുകാര് തന്നെ മാറ്റിവെക്കാന് നിര്ദേശിക്കുകയായിരുന്നു. റെഗുലേറ്റര് മാറ്റാന് സാധിക്കാത്തതിനാലാണ് സഹായം തേടിയതെന്ന് അറിയിച്ചിട്ടും ഫലമുണ്ടായില്ല. ഒരു ദിവസം കാത്തിരുന്നു. അവസാനം 2011 ജനുവരി മൂന്നിനു തിങ്കളാഴ്ച രാത്രി ഏഴേകാല് മണിയോടെ ഫയര്ഫോഴ്സ് സംഘമെത്തി റെഗുലേറ്റര് മാറ്റി അപകടമൊഴിവാക്കി.
വന് അപകടമൊഴിവാക്കാന് ബന്ധപ്പെട്ടവര് അടിയന്തരമായി ഇടപെടേണ്ടതായിരുന്നു. ഏജന്സി പരിഹരിക്കേണ്ട കാര്യത്തിനാണ് അനാസ്ഥ കാട്ടിയത്. പാചകവാതക സിലിണ്ടറിന് ചോര്ച്ചയുണ്ടെങ്കില് ഉപയോക്താവ് വിവരം അറിയച്ച ഉടന് തന്നെ സിലിണ്ടര് മാറ്റി നല്കണമെന്നാണ് വ്യവസ്ഥ. സംഭവത്തെക്കുറിച്ച് അന്വേഷിച്ചു നടപടിയെടുക്കുമെന്നു സിവില് സപ്ലൈസ് അധികൃതര് അറിയിച്ചു.
No comments:
Post a Comment