പട്ടണത്തിലെ വ്യാപാര സ്ഥാപനങ്ങളുടെ പേരുകളോടൊപ്പം അവ എവിടെയാണെന്നു പെട്ടെന്നു തിരിച്ചറിയാന്‍ പാലത്തിന്റെ പേരിനും ഏറെ പ്രാധാന്യമുണ്ട്. ജില്ലാ കോടതി പാലം (മുന്‍പ് കോട്ടവാതുക്കല്‍ പാലം), വൈഎംസിഎ പാലം, വഴിച്ചേരി പാലം, കല്ലുപാലം, ഇരുമ്പുപാലം, മുറിഞ്ഞപുഴ പാലം, ശവക്കോട്ട പാലം, കൊട്ടാര പാലം (ഇപ്പോള്‍ ഇല്ല), കല്ലന്‍ പാലം തുടങ്ങിയ പാലങ്ങള്‍ എല്ലാം ഇത്തരത്തിലുള്ളതാണ്.
വാടക്കനാല്‍, കൊമേഴ്‌സ്യല്‍ കനാല്‍ എന്നിവയാണ് പട്ടണത്തിലൂടെ കടന്നു പോകുന്ന കനാലുകള്‍. ഇവയെ പരസ്പരം ബന്ധിക്കുന്ന ചെറു തോടുകളുമുണ്ട്. പോളയും മാലിന്യവും നിറഞ്ഞ് വൃത്തിഹീനമായി കിടക്കുന്ന കനാലുകള്‍ നന്നാക്കി വെള്ളം ഒഴുക്കു സുഗമമാക്കാനുള്ള നടപടികള്‍ ആവശ്യമാണെങ്കിലും അധികൃതര്‍ അതിനു പ്രാധാന്യം കൊടുക്കുന്നതായി കാണുന്നില്ല.
പട്ടണത്തിന്റെ ലാന്‍ഡ് മാര്‍ക്കുകളാണ് പാലങ്ങള്‍. ഇടുങ്ങിയ പാലങ്ങള്‍ പലതും വീതി കൂട്ടി നിര്‍മ്മിച്ചിട്ടുണ്ട്. ഇനിയും പലതിനും വീതി കൂട്ടി ഗതാഗതം സുഗമമാക്കാനുമുണ്ട്. പാലങ്ങളില്‍ മലയാളം, ഇംഗ്ലീഷ്, ഹിന്ദി ഭാഷകളില്‍ പേരുബോര്‍ഡുകള്‍ സ്ഥാപിച്ചാല്‍ മറുനാടുകളില്‍ നിന്ന് വാഹനങ്ങളില്‍ എത്തുന്ന വിനോദസഞ്ചാരികള്‍ ഉള്‍പ്പടെയുള്ളവര്‍ക്ക് സ്ഥലം പെട്ടെന്നു കണ്ടെത്താന്‍ ഒത്തിരി പ്രയോജനപ്പെടും.
(വീതികൂട്ടല്‍ നടത്തിക്കൊണ്ടിരിക്കുന്ന ഇരുമ്പുപാലമാണ് ഫോട്ടോയില്‍. ശീമാട്ടി സ്ഥിതി ചെയ്യുന്ന പുരാതന കെട്ടിടവും കാണാം.)
No comments:
Post a Comment