തത്തംപള്ളി വാര്‍ഡിന്റെ വികസനത്തിനായി പൊതുജനങ്ങള്‍ തത്തംപള്ളി വാര്‍ഡ് ബ്ലോഗ് മുഖേന ഉന്നയിച്ച ആവശ്യങ്ങള്‍ ക്രോഡീകരിച്ച് മുനിസിപ്പല്‍ കൗണ്‍സില്‍ അധികൃതര്‍ മുമ്പാകെ സമര്‍പ്പിച്ച നിവേദനത്തിന്മേല്‍ നടപടി ഒന്നുമില്ല!. നടപടി പോയിട്ട് മാസം ഒന്നായിട്ടും നിവേദനം കൈപ്പറ്റിയതായിപ്പോലും ആരും അറിയിച്ചിട്ടില്ല. ഇക്കാര്യത്തില്‍ ഭരണപക്ഷവും പ്രതിപക്ഷവും ഒരുപോലെ.
2010 നവംബര്‍ ആദ്യം അധികാരത്തിലേറിയ മുനിസിപ്പല്‍ കൗണ്‍സിലിലെ ചെയര്‍പേഴ്‌സണ്‍, പ്രതിപക്ഷ നേതാവ്, തത്തംപള്ളി വാര്‍ഡ് കൗണ്‍സിലര്‍, സെക്രട്ടറി എന്നിവര്‍ക്കാണ് 2010 നവംബര്‍ 30-ന് നിവേദനം അയച്ചിരുന്നത്. നിവേദനം പൂര്‍ണമായി അന്നു തന്നെ ബ്ലോഗില്‍ പ്രസിദ്ധീകരിക്കുകയും ചെയ്തു.
നിവേദനം സമര്‍പ്പിച്ച വാര്‍ത്ത മാധ്യമങ്ങളിലും വന്നു. തുടര്‍ന്ന് ഓര്‍മ്മപ്പെടുത്തല്‍ കുറിപ്പുകളും ബന്ധപ്പെട്ടവര്‍ക്ക് അയച്ചു. ഇതു സംബന്ധിച്ച അറിയിപ്പ് 2010 നവംബര്‍ ഒന്‍പതിനു ബ്ലോഗില്‍ പ്രസിദ്ധീകരിച്ച ശേഷമാണ് ആവശ്യങ്ങള്‍ ശേഖരിച്ചത്. ഫലത്തില്‍ മുനിസിപ്പല്‍ കൗണ്‍സില്‍ നിലവില്‍ വന്നിട്ട് മൂന്നു മാസമായിട്ടും എടുത്തുപറയത്തക്ക ജനോപകാരപ്രദങ്ങളായ നടപടികളൊന്നും തത്തംപള്ളി വാര്‍ഡില്‍ നടപ്പിലാക്കിയിട്ടില്ലെന്നു നാട്ടുകാര്‍ സൂചിപ്പിക്കുന്നു.
പ്രധാനമായും മാലിന്യനിര്‍മാര്‍ജനത്തിനു ഒരു സംവിധാനമുണ്ടാക്കിയില്ല. തെരുവുനായ ശല്യത്തിനും പരിഹാരമായില്ല. നിശ്ചയധാര്‍ഢ്യമുണ്ടെങ്കില്‍ അധികാരമേറ്റ് കുറഞ്ഞത് ഒരാഴ്ച കൊണ്ടു നടപ്പിലാക്കേണ്ട കാര്യങ്ങളാണ് മൂന്നു മാസമായിട്ടും പഴയതിലും മോശമായ രീതിയില്‍ മുന്നോട്ടുപോകുന്നത് !. തെരഞ്ഞെടുക്കപ്പെട്ടു കഴിഞ്ഞപ്പോള്‍ പതിവുപോലെ ജനപ്രതിനിധികള്‍ക്ക് വോട്ടര്‍മാര്‍ അന്യരായി മാറുന്നു!!.
ജനപ്രതിനിധികള്‍ നിവേദനം കണ്ടില്ലേലും അനേകം വായനക്കാര്‍ പ്രതികരണം അറിയിച്ചു. ജനങ്ങളുടെ ആവശ്യങ്ങള്‍ ഉടനേ നടപ്പാക്കാനുള്ള നടപടികളാണ് മുനിസിപ്പാലിറ്റിയുടെ ഭാഗത്തു നിന്നു വേണ്ടതെന്നായിരുന്നു അവരുടെയെല്ലാം തന്നെ നിലപാട്.
2010 നവംബര്‍ ആദ്യം അധികാരത്തിലേറിയ മുനിസിപ്പല്‍ കൗണ്‍സിലിലെ ചെയര്‍പേഴ്‌സണ്‍, പ്രതിപക്ഷ നേതാവ്, തത്തംപള്ളി വാര്‍ഡ് കൗണ്‍സിലര്‍, സെക്രട്ടറി എന്നിവര്‍ക്കാണ് 2010 നവംബര്‍ 30-ന് നിവേദനം അയച്ചിരുന്നത്. നിവേദനം പൂര്‍ണമായി അന്നു തന്നെ ബ്ലോഗില്‍ പ്രസിദ്ധീകരിക്കുകയും ചെയ്തു.
നിവേദനം സമര്‍പ്പിച്ച വാര്‍ത്ത മാധ്യമങ്ങളിലും വന്നു. തുടര്‍ന്ന് ഓര്‍മ്മപ്പെടുത്തല്‍ കുറിപ്പുകളും ബന്ധപ്പെട്ടവര്‍ക്ക് അയച്ചു. ഇതു സംബന്ധിച്ച അറിയിപ്പ് 2010 നവംബര്‍ ഒന്‍പതിനു ബ്ലോഗില്‍ പ്രസിദ്ധീകരിച്ച ശേഷമാണ് ആവശ്യങ്ങള്‍ ശേഖരിച്ചത്. ഫലത്തില്‍ മുനിസിപ്പല്‍ കൗണ്‍സില്‍ നിലവില്‍ വന്നിട്ട് മൂന്നു മാസമായിട്ടും എടുത്തുപറയത്തക്ക ജനോപകാരപ്രദങ്ങളായ നടപടികളൊന്നും തത്തംപള്ളി വാര്‍ഡില്‍ നടപ്പിലാക്കിയിട്ടില്ലെന്നു നാട്ടുകാര്‍ സൂചിപ്പിക്കുന്നു.
പ്രധാനമായും മാലിന്യനിര്‍മാര്‍ജനത്തിനു ഒരു സംവിധാനമുണ്ടാക്കിയില്ല. തെരുവുനായ ശല്യത്തിനും പരിഹാരമായില്ല. നിശ്ചയധാര്‍ഢ്യമുണ്ടെങ്കില്‍ അധികാരമേറ്റ് കുറഞ്ഞത് ഒരാഴ്ച കൊണ്ടു നടപ്പിലാക്കേണ്ട കാര്യങ്ങളാണ് മൂന്നു മാസമായിട്ടും പഴയതിലും മോശമായ രീതിയില്‍ മുന്നോട്ടുപോകുന്നത് !. തെരഞ്ഞെടുക്കപ്പെട്ടു കഴിഞ്ഞപ്പോള്‍ പതിവുപോലെ ജനപ്രതിനിധികള്‍ക്ക് വോട്ടര്‍മാര്‍ അന്യരായി മാറുന്നു!!.
ജനപ്രതിനിധികള്‍ നിവേദനം കണ്ടില്ലേലും അനേകം വായനക്കാര്‍ പ്രതികരണം അറിയിച്ചു. ജനങ്ങളുടെ ആവശ്യങ്ങള്‍ ഉടനേ നടപ്പാക്കാനുള്ള നടപടികളാണ് മുനിസിപ്പാലിറ്റിയുടെ ഭാഗത്തു നിന്നു വേണ്ടതെന്നായിരുന്നു അവരുടെയെല്ലാം തന്നെ നിലപാട്.
