എന്നാല്‍ ഇപ്പോള്‍ കുളങ്ങളില്‍ മഹാഭൂരിപക്ഷവും നികത്തിക്കഴിഞ്ഞു. ഉള്ളതാകട്ടെ പരിപാലിക്കാതെ അഴുക്കു വെള്ളം കെട്ടിക്കിടന്ന് മലീമസമായിരിക്കും. ഇലകളും ചുള്ളികളും മാലിന്യവും കൊണ്ടിടാന്‍ കുളങ്ങളെയാണ് മിക്കവരും ആശ്രയിക്കുന്നത് ഇപ്പോള്‍! കൊതുകുകളാണ് അതില്‍ നിന്ന് പ്രധാനമായും പുറത്തുവരുന്നത്.
ഉള്ള കുളങ്ങള്‍ ഉപകാരപ്രദമായി നിലനിര്‍ത്താനുള്ള പ്രോത്സാഹനം ജനങ്ങള്‍ക്ക് അധികൃതര്‍ നല്കുകയാണ് വേണ്ടത്. വര്‍ഷാവര്‍ഷം കുളത്തിനു ചുറ്റും മണ്ണു വെട്ടിയൊരുക്കാനും ചെളി നീക്കാനും വെള്ളം തേകാനും ധനസഹായം എത്തിക്കണം. അല്ലെങ്കില്‍ എല്ലാ കുളങ്ങളും താമസിയാതെ നികന്നു പോകും. കൃഷി നനയ്ക്കാന്‍ എന്നതിനുപരി കുളങ്ങളില്‍ മീന്‍ വളര്‍ത്താനും താമര വളര്‍ത്താനും പ്രയോജനപ്പെടുത്തണം. അപ്പോള്‍ കുളങ്ങളുടെ ഉടമകള്‍ക്ക് വരുമാനമാര്‍ഗവുമാകും. കുളങ്ങളില്‍ മീനുകളെ വളര്‍ത്തിയാല്‍ അവ കൊതുകു കൂത്താടികളെ ഭക്ഷിച്ചു കൊള്ളും. പെരുകുന്ന കൊതുകുശല്യം ഒരു പരിധിവരെ അതുമൂലം നിയന്ത്രിക്കാനും സാധിക്കും.ചൊരിമണല്‍ പ്രദേശമായ തത്തംപള്ളിയിലെ ഭൂഗര്‍ഭജല സംപുഷ്ടി നിലനിര്‍ത്താന്‍ കുളങ്ങള്‍ക്ക് മുന്‍കാലത്ത് വലിയ പങ്കുണ്ടായിരുന്നു.
പൊതുകുളങ്ങളില്‍ മത്സ്യങ്ങളെ നിക്ഷേപിക്കാന്‍ നിര്‍ദേശം
ReplyDeleteകൊതുകു കൂത്താടികളെ ഭക്ഷിക്കുന്ന ഗപ്പി, തിലോപ്പിയ തുടങ്ങിയ മത്സ്യങ്ങളെ പൊതു കുളങ്ങളില്‍ നിക്ഷേപിക്കുന്നതിനുള്ള പദ്ധതി തയാറാക്കാന്‍ ആലപ്പുഴ ജില്ലാ കളക്ടര്‍ പി.വേണുഗോപാല്‍ ഫിഷറീസ് വകുപ്പിനു 2011 ഏപ്രില്‍ 30-നു നിര്‍ദേശം നല്കി. ഫിഷറീസ് കോളജുമായി ബന്ധപ്പെട്ടു രണ്ടു ദിവസത്തിനകം പദ്ധതി തയാറാക്കണം. കൊതുകു മൂലം പകരുന്ന പകര്‍ച്ചവ്യാധികള്‍ പട്ടണത്തില്‍ പടരുന്ന സാഹചര്യത്തിലാണിത്. (വിവിധ പത്രവാര്‍ത്തകളില്‍ നിന്ന്). തത്തംപള്ളി വാര്‍ഡില്‍ ഇതു സംബന്ധിച്ച നിര്‍ദേശം വന്നതിന്റെ തൊട്ടടുത്ത ദിവസമാണ് ഈ തീരുമാനമെടുത്തിട്ടുള്ളത് എന്നത് ശ്രദ്ധേയമാണ് - സതീഷ്‌