.jpg)
ദിവസേനെ പല പ്രാവശ്യം അടുപ്പിച്ച് വൈദ്യുതി വന്നു പോകുന്നതും പ്രശ്‌നമാകുന്നുണ്ട്. അപ്രഖ്യാപിത വൈദ്യുതി മുടക്കം ബുദ്ധിമുട്ടുകള്‍ ഏറെയുണ്ടാക്കുന്നു. ഇപ്പോള്‍ വീടുകളില്‍ വൈദ്യുതി ഉപകരണങ്ങളെ ഏറെ ആശ്രയിക്കുന്നതിനാല്‍ വൈദ്യുതി മുടക്കം ഒഴിവാക്കണം. മഴക്കാലത്ത് മരച്ചില്ലകള്‍ മറ്റും വീണ് വൈദ്യുതി തടസ്സപ്പെടുന്നത് ഒഴിവാക്കാന്‍ മുന്‍കൂട്ടി തന്നെ അപകടകരമായി നില്ക്കുന്ന മരക്കമ്പുകളും ചില്ലകളും ഉടനുടന്‍ മുറിച്ചു നീക്കാനുള്ള ഏര്‍പ്പാടുമുണ്ടാകണം.
ഗാര്‍ഹികാവശ്യങ്ങള്‍ക്ക് കേരള ഇലക്ട്രിസിറ്റി ബോര്‍ഡ് (കെ.എസ്.ഇ.ബി) വിതരണം ചെയ്യുന്ന ലോടെന്‍ഷന്‍ വൈദ്യുതി 240 വോള്‍ട്ടിലാണ്. ഇതിനു അനുസൃതമായ വൈദ്യുതോപകരണങ്ങളാണ് വിപണിയിലുള്ളത്. സാങ്കേതിക കാരണങ്ങളാല്‍ സ്ഥായിത്വമില്ലാതെ വിദ്യുച്ഛക്തി ലൈനിലൂടെ പ്രവഹിച്ചാല്‍ ഉപകരണങ്ങള്‍ നശിക്കുമെന്നു മാത്രമല്ല, അത് വന്‍ അപകടകാരണവുമാകാം. പലപ്പോഴും അമിതമായി വൈദ്യുതി പ്രവഹിച്ച ശേഷമായിരിക്കും ഫ്യൂസ് പോകുക.
വോള്‍ട്ടേജ് വ്യതിയാനം മൂലം കേട് എന്ന വാര്‍ത്ത തത്തംപള്ളി വാര്‍ഡ് ബ്ലോഗില്‍ വന്നു അധികം താമസിയാതെ തന്നെ അമിത വൈദ്യുതി പ്രവാഹം മൂലം ഇലക്ട്രിസിറ്റി മീറ്റര്‍ കത്തിനശിച്ചതായി വാര്‍ത്ത.
ReplyDeleteതത്തംപള്ളിയുടെ അടുത്ത പ്രദേശമായ ആലപ്പുഴ തോണ്ടന്‍കുളങ്ങര ദേവിനഗര്‍ ശ്രുതിയില്‍ ഭട്ടിന്റെ വീട്ടിലെ മീറ്ററാണ് 2010 നവംബര്‍ ഒന്‍പതു ചൊവ്വാഴ്ച രാത്രി പത്തിന് കത്തിയത്.
കംപ്യൂട്ടറിന്റേയും മറ്റും യു.പി.എസ് പോലും നശിക്കുന്ന രീതിയിലാണ് പലപ്പോഴും വൈദ്യുതി പ്രവാഹം. അപ്പോള്‍ നന്നാക്കാനാകാത്ത വിധം ഉപകരണങ്ങള്‍ ഞൊടിയിടയില്‍ നശിക്കും.