ഹോട്ടലുകള്‍, റെസ്‌റ്റോറന്റുകള്‍, തട്ടുകടകള്‍, ശീതളപാനീയ കടകള്‍, ബേക്കറികള്‍ തുടങ്ങിയയിടങ്ങളില്‍ പലപ്പോഴും വൃത്തിഹീനമായ സാഹചര്യങ്ങളിലാണ് വിഭവങ്ങള്‍ പാചകം ചെയ്യുന്നതും പ്രദര്‍ശിപ്പിക്കുന്നതും. ഗുണനിലവാരമില്ലാത്ത ഘടക പദാര്‍ഥങ്ങളാണ് പലയിടങ്ങളിലും ഉപയോഗിക്കുന്നതെന്നും പരാതി ഉയരാറുണ്ട്. മിക്കയിടത്തും ശുദ്ധജലം പോലുമല്ല ഉപയോഗിക്കുന്നത്. ഈച്ച, പാറ്റ, എലി തുടങ്ങിയ ക്ഷുദ്രജീവികള്‍ തുറന്നുവച്ചിരിക്കുന്ന ആഹാരപദാര്‍ഥങ്ങളുടെ മുകളില്‍ കാണുന്നതു സാധാരണമാണ്. രോഗങ്ങള്‍ പടരാന്‍ ഇതു കാരണമാകും. അടുക്കളയും പരിസരവും പാചകം ചെയ്യാനുപയോഗിക്കുന്ന പാത്രങ്ങളും വളരെ വൃത്തിഹീനമായിക്കിടക്കുന്ന സ്ഥാപനങ്ങളുമുണ്ട്. ആഹാരം വിളമ്പുന്നവര്‍ തന്നെ മേശ വൃത്തിയാക്കുന്നതും എച്ചിലുകള്‍ നീക്കുന്നതുമായ രീതി അനുവദിക്കരുത്. രോഗബാധിതരായ പാചകക്കാരേയും വിളമ്പുകാരേയും ഒഴിവാക്കണം. അനാരോഗ്യകരമായ എല്ലാ പ്രവണതകളും അവസാനിപ്പിക്കുകയാണ് വേണ്ടത്.
മുനിസിപ്പാലിറ്റി അധികൃതര്‍ വല്ലപ്പോഴും നടത്തുന്ന മിന്നല്‍ പരിശോധയില്‍ അനേക ഹോട്ടലുകളില്‍ പഴകിയതും ദുര്‍ഗന്ധം വമിക്കുന്നതുമായ ഭക്ഷണവസ്തുക്കള്‍ കുറ്റകരമായി വില്പനയ്ക്കായി വച്ചിരിക്കുന്നതു കണ്ടെത്താറുണ്ടെങ്കിലും അതിനുള്ള ശിക്ഷാനടപടികള്‍ കാര്യക്ഷമമല്ലാത്തതിനാല്‍ അതു ആവര്‍ത്തിക്കുകയാണ് പതിവ്. മുനിസിപ്പാലിറ്റിയുടെ പരിശോധന ദിവസവും ഏര്‍പ്പെടുത്തുക എന്നതു മാത്രമാണ് വൃത്തിയുള്ളതും ആരോഗ്യകരവുമായ ഭക്ഷണ, പാനീയങ്ങള്‍ ഉപഭോക്താക്കള്‍ക്കു ലഭ്യമാക്കാനുള്ള ഒരു പോംവഴി.
പഴകിയ ഭക്ഷണവസ്തുക്കള്‍ പിടിച്ചെടുത്ത സ്ഥാപനങ്ങളുടെ പേരുകള്‍ സാധാരണഗതിയില്‍ പത്രമാധ്യമങ്ങള്‍ പ്രസിദ്ധീകരിക്കാത്തതിനാല്‍ പൊതുജനങ്ങളുടെ അറിവിലേക്കു അവ മുനിസിപ്പാലിറ്റിയുടെ ഔദ്യോഗിക വെബ്‌സൈറ്റില്‍ പ്രസിദ്ധീകരിക്കണം. ഭക്ഷണവിഭങ്ങളുടെ അളവും തൂക്കവും രേഖപ്പെടുത്തിയ വിലവിവരപ്പട്ടിക എല്ലാ ഭക്ഷണശാലകളിലും നിര്‍ബന്ധമാക്കുകയും വേണം.
ഈ വിഷയത്തില്‍ ആലപ്പുഴ ജില്ലാ കളക്ടര്‍ക്കും മുനിസിപ്പല്‍ സെക്രട്ടറിക്കും അയച്ച നിവേദനത്തിന്റെ പകര്‍പ്പ് വായിക്കാന്‍ ഇവിടെ ക്ലിക്ക് ചെയ്യുക.
http://www.mathrubhumi.com/alappuzha/citizen_news/1272809.html
ReplyDeleteഭക്ഷണശാലകളിലെ ആഹാരപദാര്‍ഥങ്ങളുടെ ഗുണനിലവാരവും വൃത്തിയും ഉറപ്പാക്കണം
Posted on: 12 Nov 2011
ആലപ്പുഴ: മുനിസിപ്പല്‍ പട്ടണ പ്രദേശത്തെ ഭക്ഷണശാലകളിലെ ആഹാരപദാര്‍ഥങ്ങളുടെ ഗുണനിലവാരവും വൃത്തിയും ഉറപ്പാക്കുന്നതിനു നിരന്തരമായ പരിശോധനാ, ശിക്ഷാ നടപടികള്‍ കര്‍ശനമായി വേണമെന്ന് ആവശ്യം. ഹോട്ടലുകള്‍, റെസ്‌റ്റോറന്റുകള്‍, തട്ടുകടകള്‍, ശീതളപാനീയ കടകള്‍, ബേക്കറികള്‍ തുടങ്ങിയയിടങ്ങളില്‍ പലപ്പോഴും വൃത്തിഹീനമായ സാഹചര്യങ്ങളിലാണ് വിഭവങ്ങള്‍ പാചകം ചെയ്യുന്നതും പ്രദര്‍ശിപ്പിക്കുന്നതും. ഗുണനിലവാരമില്ലാത്ത ഘടക പദാര്‍ഥങ്ങളാണ് പലയിടങ്ങളിലും ഉപയോഗിക്കുന്നതെന്നും പരാതി ഉയരാറുണ്ട്.
മിക്കയിടത്തും ശുദ്ധജലം പോലുമല്ല ഉപയോഗിക്കുന്നത്. ഈച്ച, പാറ്റ, എലി തുടങ്ങിയ ക്ഷുദ്രജീവികള്‍ തുറന്നുവച്ചിരിക്കുന്ന ആഹാരപദാര്‍ഥങ്ങളുടെ മുകളില്‍ കാണുന്നതു സാധാരണമാണ്. രോഗങ്ങള്‍ പടരാന്‍ ഇതു കാരണമാകും. അടുക്കളയും പരിസരവും പാചകം ചെയ്യാനുപയോഗിക്കുന്ന പാത്രങ്ങളും വളരെ വൃത്തിഹീനമായിക്കിടക്കുന്ന സ്ഥാപനങ്ങളുമുണ്ട്. ആഹാരം വിളമ്പുന്നവര്‍ തന്നെ മേശ വൃത്തിയാക്കുന്നതും എച്ചിലുകള്‍ നീക്കുന്നതുമായ രീതി അനുവദിക്കരുത്. രോഗബാധിതരായ പാചകക്കാരേയും വിളമ്പുകാരേയും ഒഴിവാക്കണം. അനാരോഗ്യകരമായ എല്ലാ പ്രവണതകളും അവസാനിപ്പിക്കുകയാണ് വേണ്ടത്.
മുനിസിപ്പാലിറ്റി അധികൃതര്‍ വല്ലപ്പോഴും നടത്തുന്ന മിന്നല്‍ പരിശോധയില്‍ അനേക ഹോട്ടലുകളില്‍ പഴകിയതും ദുര്‍ഗന്ധം വമിക്കുന്നതുമായ ഭക്ഷണവസ്തുക്കള്‍ കുറ്റകരമായി വില്പനയ്ക്കായി വച്ചിരിക്കുന്നതു കണ്ടെത്താറുണ്ടെങ്കിലും അതിനുള്ള ശിക്ഷാനടപടികള്‍ കാര്യക്ഷമമല്ലാത്തതിനാല്‍ അതു ആവര്‍ത്തിക്കുകയാണ് പതിവ്. മുനിസിപ്പാലിറ്റിയുടെ പരിശോധന ദിവസവും ഏര്‍പ്പെടുത്തുക എന്നതു മാത്രമാണ് വൃത്തിയുള്ളതും ആരോഗ്യകരവുമായ ഭക്ഷണ, പാനീയങ്ങള്‍ ഉപഭോക്താക്കള്‍ക്കു ലഭ്യമാക്കാനുള്ള ഒരു പോംവഴി. പഴകിയ ഭക്ഷണവസ്തുക്കള്‍ പിടിച്ചെടുത്ത സ്ഥാപനങ്ങളുടെ പേരുകള്‍ പൊതുജനങ്ങളുടെ അറിവിലേക്കു അവ മുനിസിപ്പാലിറ്റിയുടെ ഔദ്യോഗിക വെബ്‌സൈറ്റില്‍ പ്രസിദ്ധീകരിക്കണം. ഭക്ഷണവിഭങ്ങളുടെ അളവും തൂക്കവും രേഖപ്പെടുത്തിയ വിലവിവരപ്പട്ടിക എല്ലാ ഭക്ഷണശാലകളിലും നിര്‍ബന്ധമാക്കുകയും വേണം.
വാര്‍ത്ത അയച്ചത്: തട്ടമ്പള്ളി വാര്‍ഡംഗങ്ങള്‍