വാടക്കനാല്‍, കൊമേഴ്‌സ്യല്‍ കനാല്‍ എന്നിവയും അവയെ പരസ്പരം ബന്ധിക്കുന്ന പല ഇടത്തോടുകളും പട്ടണത്തിന്റെ ആവാസവ്യവസ്ഥയ്ക്ക്് ഏറെ ഗുണകരമാണ്. എന്നാല്‍ കനാലുകളില്‍ നീരൊഴുക്കു നിലച്ച് പായലും കുളവാഴയും വളരുകയും മാലിന്യം നിറയുകയും ചെയ്യുന്നു. ഇടത്തോടുകള്‍ സംരക്ഷണമില്ലാതെ നികന്നും അനധികൃത കൈയേറ്റങ്ങള്‍ മൂലവും കാനകള്‍ പോലെയുമാകുന്നു. ഇതെല്ലാം ചേര്‍ന്നു പട്ടണത്തെ ദുര്‍ഗന്ധപൂരിതമാക്കുകയും കൊതുകുകള്‍ക്ക് താവളമാകുകയും ചെയ്യുന്നു.
പല തോടുകളും ഇപ്പോള്‍ റോഡുകളുടെ കീഴിലൂടെയാണ് കടന്നു പോകുന്നത്. റോഡുനിര്‍മാണത്തിലെ പാകപ്പിഴകളും കേബിളുകളും ഖര മാലിന്യങ്ങളും കാരണം നീരൊഴുക്ക് അങ്ങനെയുള്ളയിടങ്ങളില്‍ തടസ്സപ്പെട്ടിരിക്കുകയാണ്. അങ്ങനെയുള്ളയിടങ്ങള്‍ എല്ലാം വൃത്തിയാക്കിയും തോടിന്റെ കരകളിലെ കാടുംപടലും തെളിച്ചും അവയെല്ലാം നീരൊഴുകുന്ന തോടുകളാക്കി മാറ്റുകയാണ് ഉടനേ ചെയ്യേണ്ടത്.
ആലപ്പുഴ പിച്ചു അയ്യര്‍ ജംഗ്ഷനു പടിഞ്ഞാറു വശമുള്ള മുറിഞ്ഞപുഴ പാലത്തില്‍ നിന്നുള്ള ഇടത്തോടിന്റെ വടക്കോട്ടുള്ള ദൃശ്യമാണ് ഫോട്ടോയില്‍.
No comments:
Post a Comment